Uncategorized

ਰਾਮਦੇਵ ਬੋਲੇ, ਮੋਦੀ ਸਰਕਾਰ ਇਜਾਜ਼ਤ ਦੇਵੇ ਤਾਂ ਦੇਸ਼ ‘ਚ 35 ਰੁਪਏ ਲਿਟਰ ਵੇਚ ਸਕਦਾ ਹਾਂ ਤੇਲ

Sharing is caring!

ਯੋਗ ਗੁਰੂ ਬਾਬਾ ਰਾਮਦੇਵ ਪਿਛਲੇ ਕਈ ਦਿਨਾਂ ਤੋਂ ਮੋਦੀ ਸਰਕਾਰ ਦੇ ਖਿਲਾਫ ਖੁੱਲ੍ਹ ਕੇ ਬਿਆਨਬਾਜ਼ੀ ਕਰ ਰਹੇ ਹਨ। ਐਤਵਾਰ ਨੂੰ ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਕੇਂਦਰ ਨੇ ਵਧਦੀ ਮਹਿੰਗਾਈ ‘ਤੇ ਕਾਬੂ ਨਾ ਕੀਤਾ ਤਾਂ ਪ੍ਰਧਾਨ ਮੰਤਰੀ ਨੂੰ ਇਸ ਦੇ ਨਤੀਜੇ ਭੁਗਤਣੇ ਪੈ ਸਕਦੇ ਹਨ। ਜੇਕਰ ਸਰਕਾਰ ਇਜਾਜ਼ਤ ਦੇਵੇ ਤਾਂ ਉਹ ਦੇਸ਼ ਵਿਚ 35 ਤੋਂ 40 ਰੁਪਏ ਲਿਟਰ ਪੈਟਰੋਲ ਅਤੇ ਡੀਜ਼ਲ ਵੇਚ ਸਕਦੇ ਹਨ।

35-40 ਰੁਪਏ 'ਚ ਪੈਟਰੋਲ-ਡੀਜ਼ਲ ਵੇਚਣਗੇ ਬਾਬਾ ਰਾਮਦੇਵ !

35-40 ਰੁਪਏ 'ਚ ਪੈਟਰੋਲ-ਡੀਜ਼ਲ ਵੇਚਣਗੇ ਬਾਬਾ ਰਾਮਦੇਵ !PrimeAsiaTV:- https://www.youtube.com/primeasiatvcanadaPrime Beats:-https://www.youtube.com/channel/UC5Vg_NW3hg77VROOgURDmPw

Posted by Prime Asia TV Canada on Monday, September 17, 2018

ਬਾਬਾ ਰਾਮਦੇਵ ਨੇ ਕਿਹਾ ਕਿ ਪੈਟਰੋਲ-ਡੀਜ਼ਲ ਨੂੰ ਜੀ.ਐੱਸ.ਟੀ. ਸਲੈਬ ਦੀ ਘੱਟੋ-ਘੱਟ ਦਰ ਯਾਨੀ ਪੰਜ ਫੀਸਦੀ ‘ਚ ਸ਼ਾਮਲ ਕਰਨਾ ਚਾਹੀਦਾ ਹੈ, ਇਸ ਨਾਲ ਕੀਮਤਾਂ ਘੱਟ ਹੋ ਜਾਣਗੀਆਂ। ਜ਼ਿਕਰਯੋਗ ਹੈ ਕਿ ਦੇਸ਼ ‘ਚ ਪੈਟਰੋਲ ਦੀ ਕੀਮਤ 90 ਰੁਪਏ ਪ੍ਰਤੀ ਲਿਟਰ ਤੱਕ ਪਹੁੰਚ ਗਈ ਹੈ।ਇਸ ਦੇ ਨਾਲ ਹੀ ਰਾਮਦੇਵ ਨੇ ਇਹ ਵੀ ਕਿਹਾ ਕਿ ਉਹ 2019 ‘ਚ ਬੀਜੇਪੀ ਦੇ ਪੱਖ ‘ਚ ਪ੍ਰਚਾਰ ਨਹੀਂ ਕਰਨਗੇ, ਜਿਵੇਂ 2014 ਦੀਆਂ ਚੋਣਾਂ ਵਿਚ ਕੀਤਾ ਸੀ। ਉਨ੍ਹਾਂ ਨੇ ਕਿਹਾ ਕਿ ਕਈ ਲੋਕ ਮੋਦੀ ਸਰਕਾਰ ਦੀਆਂ ਨੀਤੀਆਂ ਦੀ ਤਾਰੀਫ ਕਰਦੇ ਹਨ ਪਰ ਹੁਣ ਉਨ੍ਹਾਂ ਵਿਚ ਸੁਧਾਰ ਕਰਨ ਦੀ ਲੋੜ ਹੈ, ਮਹਿੰਗਾਈ ਬਹੁਤ ਵੱਡਾ ਮੁੱਦਾ ਹੈ ਅਤੇ ਮੋਦੀ ਜੀ ਨੂੰ ਜਲਦੀ ਹੀ ਇਸ ਸਮੱਸਿਆ ਦੇ ਹੱਲ ਲਈ ਢੁੱਕਵੇਂ ਕਦਮ ਚੁੱਕਣੇ ਚਾਹੀਦੇ ਹਨ।ਪੈਟਰੋਲ-ਡੀਜ਼ਲ ‘ਤੇ ਐਕਸਾਈਜ਼ ਡਿਊਟੀ ਘਟਾਉਣ ਤੋਂ ਜਿੱਥੇ ਕੇਂਦਰ ਇਨਕਾਰ ਕਰ ਚੁੱਕਾ ਹੈ,ਉੱਥੇ ਹੀ ਪੰਜਾਬ ਸਰਕਾਰ ਨੇ ਵੀ ਵੈਟ ‘ਚ ਕਟੌਤੀ ਕਰਨ ਤੋਂ ਹੱਥ ਖੜ੍ਹੇ ਕਰ ਦਿੱਤੇ ਹਨ। ਪੰਜਾਬ ਅਤੇ ਮਹਾਰਾਸ਼ਟਰ ‘ਚ ਪੈਟਰੋਲ ‘ਤੇ 35 ਫੀਸਦੀ ਤੋਂ ਜ਼ਿਆਦਾ ਵੈਟ ਹੈ।ਪੰਜਾਬ ‘ਚ ਇਕ ਲਿਟਰ ਪੈਟਰੋਲ ‘ਤੇ 35.35 ਫੀਸਦੀ ਵੈਟ ਚਾਰਜ ਕੀਤਾ ਜਾ ਰਿਹਾ ਹੈ। ਡੀਜ਼ਲ ਮਹਿੰਗਾ ਹੋਣ ਨਾਲ ਟਰਾਂਸਪੋਰਟਰਾਂ ਅਤੇ ਕਿਸਾਨਾਂ ‘ਤੇ ਸਭ ਤੋਂ ਵਧ ਬੋਝ ਪੈ ਰਿਹਾ ਹੈ। ਉੱਥੇ ਮੋਦੀ ਸਰਕਾਰ ਦੇ ਮੰਤਰੀਆਂ ਦੇ ਬਿਆਨ ਤਾਂ ਟਿੱਚਰਾਂ ਜਾਪ ਰਹੇ ਹਨ ।ਮੋਦੀ ਜੀ ਦਾ ਗਣਿਤ ਵੇਖੋ, ਤੇਲ ਦੀਆਂ ਕੀਮਤਾਂ ’ਚ ਕਮੀ ਆਈ ਹੈ। Rofl Gandhi ਨਾਂ ਦੇ ਮਸ਼ਹੂਰ ਟਰੋਲ ਟਵਿੱਟਰ ਹੈਂਡਲ ਚਲਾਉਣ ਵਾਲੇ ਯੂਜ਼ਰ ਦੇ ਇਸ ਟਵੀਟ ਨੂੰ ਕਾਂਗਰਸ ਨੇ ਵੀ ਟਵੀਟ ਕੀਤਾ ਹੈ। ਬੀਜੇਪੀ ਦੇ ਇਸ ਟਵੀਟ ਨੂੰ ਟਰੋਲ ਕਰਨ ਲਈ ਇਸਨੂੰ ਬੱਸ ਉਲਟਾ ਘੁਮਾ ਦਿੱਤਾ ਹੈ। ਇਸ ਟਵੀਟ ਵਿੱਚ ਬਾਬਾ ਰਾਮਦੇਵ ਨੂੰ ਵੀ ਪੋਸਟ ਕੀਤਾ ਗਿਆ ਹੈ। ਉਨ੍ਹਾਂ ਨੂੰ ਚੌਥੇ ਟੈਬ ’ਚ ਰੱਖਿਆ ਗਿਆ ਜੋ ਤੇਲ ਦੀਆਂ ਸਭਤੋਂ ਵੱਧ ਇਤਿਹਾਸਕ ਕੀਮਤਾਂ ਦਰਸਾਉਂਦਾ ਹੈ।ਇਸ ਟਵੀਟ ਨੂੰ ਪੋਸਟ ਕਰਕੇ ਕਾਂਗਰਸ ਨੇ ਇੱਕ ਤੀਰ ਨਾਲ ਦੋ ਸ਼ਿਕਾਰ ਕੀਤੇ, ਕਿਉਂਕਿ ਇਸ ਟਵੀਟ ਨਾਲ ਉਸਨੇ ਬੀਜੇਪੀ ਨੂੰ ਤੇਲ ਦੀਆਂ ਕੀਮਤਾਂ ਤੇ ਰਾਫੇਲ, ਦੋਵਾਂ ਮੁੱਦਿਆਂ ਵਿੱਚ ਘੇਰ ਲਿਆ ਹੈ।ਇਸ ਟਵੀਟ ਤੋਂ ਬਿਹਤਰ ਟਰੋਲਿੰਗ ਨਹੀਂ ਹੋ ਸਕਦੀ ਕਿਉਂਕਿ ਇਸ ਰਾਹੀਂ ਦੱਸਿਆ ਗਿਆ ਹੈ ਕਿ ਸਰਕਾਰ ਨੂੰ ਨਹੀਂ ਪਤਾ ਕਿ ਤੇਲ ਦੀਆਂ ਕੀਮਤਾਂ ਕਿਸ ਪਾਸੇ ਜਾ ਰਹੀਆਂ ਹਨ।

You Might Also Like

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>